«Մանչեսթեր Սիթիի» պորտուգալացի կիսապաշտպան Բերնարդու Սիլվան խոսել է Չեմպիոնների Լիգայի քառորդ եզրափակչի «Ռեալի» հետ պատասխան խաղից առաջ։
«Ես շատ տպավորված եմ այն ամենով, ինչ արել է այս թիմը, երբ եկել եմ այստեղ: Մենք ցանկանում ենք պահպանել այս ժառանգությունը: Մենք ցանկանում ենք հաղթել Պրեմիեր Լիգան. Մենք ցանկանում ենք կրկին հաղթել Չեմպիոնների Լիգան, երկրորդ անգամ անընդմեջ, մի բան, որ քչերին է հաջողվել անել։
Մենք շատ ենք հարգում «Ռեալին»: Սա շատ վտանգավոր թիմ է, որը խաղում է իր ոճով»,- Սիլվայի խոսքերն է մեջբերում իսպանական Marca առցանց հրատարակությունը։
Հիշեցնենք, որ Չեմպիոնների Լիգայի 1/4 եզրափակչի «Մանչեսթեր Սիթի»-«Ռեալ Մադրիդ» պատասխան հանդիպումը կկայանա վաղը՝ ապրիլի 17-ին եւ կանցկացվի «Էթիհադ» մարզադաշտում: Թիմերի միջև առաջին հանդիպումն ավարտվել է ոչ-ոքի՝ 3:3 հաշվով։
