«Բարսելոնան» կարող է վաճառել բրազիլացի վինգեր Ռաֆինյային։

Ինչպես հայտնում է Todofichajes-ը, կատալոնական ակումբը ֆուտբոլիստի տրանսֆերի առաջարկ է ստացել «Մանչեսթեր Յունայթեդից»։ Անգլիական ակումբի ղեկավարությունը ֆուտբոլիստի համար առաջարկել է 90 մլն եվրո։ Այս գումարը կարող է օգնել «Բարսելոնային» բարելավել ֆինանսական վիճակը։

Հարկ է նշել, որ Transfermarkt-ը 27-ամյա խաղացողի արժեքը գնահատում է 50 միլիոն եվրո։

Իսպանիայի առաջնության ընթացիկ մրցաշրջանում Ռաֆինյան մասնակցել է 22 հանդիպման, դարձել հինգ գոլի և յոթ գոլային փոխանցման հեղինակ։ Բրազիլացու աշխատանքային պայմանագիրը «Բարսելոնայի» հետ նախատեսված է մինչև 2027 թվականի կեսերը։