«Արսենալի» գլխավոր մարզիչ Միկել Արտետան կիսվել է «Բավարիայի» հետ Չեմպիոնների Լիգայի քառորդ եզրափակչի առաջին հանդիպման սպասելիքներով։
«Մեզ բարդ խնդիր է սպասվում՝ խաղալով ՈւԵՖԱ-ի Չեմպիոնների Լիգայի պատմության ամենահաջողակ ակումբներից մեկի դեմ։ Մենք անհամբեր սպասում ենք դրան։
«Բավարիան» բարձրակարգ թիմ է, իսկ ես Տուխելի մեծ երկրպագու եմ և այն, թե ինչպես է նա կառուցում իր թիմերը: Ես շատ բան սովորեցի նրանից։
Եթե մանրամասն վերլուծես «Բավարիան», կհասկանաս, որ սա ուժեղ թիմ է։ Պետք է լավ պատրաստվենք և խաղն այնպես, ինչպես ցանկանում ենք: Եթե դա անենք, ապա հաղթելու հնարավորություն կունենանք։
Ինչ վերաբերում է «Բավարիայից» նախկինում կրած պարտություններին, ապա դա պատմություն է։ Մենք պետք է ապացուցենք, որ ավելի լավն ենք դարձել։ Սա մարտահրավեր է, և մենք շատ ուրախ ենք դրա մի մասնիկը լինելու համար»,- Արտետային է մեջբերում ՈւԵՖԱ-ի մամուլի ծառայությունը։
«Արսենալ» – «Բավարիա» հանդիպումը կկայանա ապրիլի 9-ին։
