Մայք Մենյանը պահանջում է աշխատավարձի բարձրացում, եթե պայմանագիրը «Միլանի» հետ երկարաձգվի։
Ըստ La Gazzetta dello Sport-ի, դարպասապահը ցանկանում է տարեկան վաստակել առնվազն 7 միլիոն եվրո, ինչը նրան կդարձնի թիմի ամենաբարձր վարձատրվող ֆուտբոլիստը Ռաֆայել Լեաուի հետ միասին: Ֆրանսիացին ներկայումս վաստակում է 3,2 միլիոն եվրո, իսկ գործող պայմանագրի ժամկետը լրանում է 2026 թվականի հունիսին:
Նշվում է, որ Մենյանի հետ պայմանագրի երկարաձգման շուրջ բանակցությունները դեռ վերջնական փուլ չեն հասել, սակայն համաձայնության հասնելը հեշտ չի լինի։ Ակումբը մտադիր է վերահսկել աշխատավարձի ֆոնդը և «միակ բացառություն» է տեսնում Լեաուին։ Պորտուգալացի վինգերը վաստակում է մոտ 5-6 մլն եվրո, ինչը բոնուսների հետ մեկ մրցաշրջանում նրան ապահովում է 7 մլն.
Բացի այդ, «Միլանը» չի ցանկանում իրենց վտանգի ենթարկել և ազատ գործակալի կարգավիճակով բաց թողնել Մենյանին, ինչպես դա եղավ նախորդ դարպասապահ Ջանլուիջի Դոննարումայի հետ:
Այսպիսով, եթե համաձայնություն ձեռք չբերվի, ակումբը կարող է այս ամառ քննարկել դարպասապահի տրանսֆերի վերաբերյալ առաջարկները։ 28-ամյա դարպասապահի գնման հավակնորդներից մեկը «Բավարիան» է։
