«Լոկոմոտիվի» պաշտպան Նաիր Թիկնիզյանը ամառային տրանսֆերային պատուհանի ժամանակ կարող է հայտնվել ավելի բարձր կարգավիճակով առաջնությունում։

24-ամյա հայի նկատմամբ հետաքրքրություն է ցուցաբերում իտալական «Բոլոնիան»։ «Սպորտ Էքսպրես» -ի տեղեկություններով ՝ «Բոլոնիան» շուտով կարող է սկսել Թիկնիզյանի տրանսֆերի շուրջ բանակցային գործընթացը։ Ֆուտբոլիստը կցանկանար իրեն փորձել եվրոպական լիգայում։

2023/24 մրցաշրջանում Նաիր Թիկնիզյանը 26 պաշտոնական հանդիպում է անցկացրել։ Դրանցում ֆուտբոլիստը դարձել է 9 գոլի և 6 գոլային փոխանցման հեղինակ։

Transfermarkt հեղինակավոր պորտալի մասնագետները խաղացողին գնահատում են 7 միլիոն եվրո: Նշենք, որ «Բոլոնիան» այժմ զբաղեցնում է Ա Սերիայի մրցաշարային աղյուսակի չորրորդ տեղը: