«Մանչեսթեր Յունայթեդը» չի պատրաստվում գնել «Ֆիորենտինայից» վարձավճարով հանդես եկող կիսապաշտպան Սոֆյան Ամրաբատի ամբողջական տրանսֆերը, հայտնում է The Sun-ը։
Ըստ աղբյուրի՝ մանկունիանցիները չեն ակտիվացնի պայմանագրում նշված 25 միլիոն եվրոյի գնման տարբերակը։
Ավելի վաղ La Gazzetta dello Sport-ը հայտնել էր, որ ֆուտբոլիստով հետաքրքրված է «Յուվենտուսը»։
Այս մրցաշրջանում 27-ամյա մարոկկացին «Մանչեսթեր Յունայթեդի» կազմում անցկացրել է 22 հանդիպում և արդյունավետ գործողություններով աչքի չի ընկել։
