«Նյուքասլը» պատրաստվում է «Արսենալին» և «Թոթենհեմին» առաջարկել 117 միլիոն եվրո այս ամառ թիմի 24-ամյա հարձակվող Ալեքսանդր Իսակին գնելու համար։ Այս մասին հայտնում է The Sun-ը։
Աղբյուրի համաձայն՝ «Նյուքասլի» գլխավոր մարզիչ Էդդի Հոուն չի ցանկանում, որ շվեդ ֆուտբոլիստը հեռանա թիմից։ Այնուամենայնիվ, Իսակի վաճառքը կարող է անհրաժեշտ լինել, քանի որ «Նյուքասլը» պայքարում է Ֆինանսական ֆեյր խաղի ներկայիս կանոններին համապատասխանելու համար։
Այս հարցը հատկապես արդիական կդառնա, եթե «Նյուքասլը» հաջորդ մրցաշրջանում չանցնի եվրոպական մրցաշարի ուղեգիր։
Հիշեցնենք, որ այս մրցաշրջանում Իսակը բոլոր մրցաշարերում մասնակցել է 31 հանդիպման, որոնցում դարձել է 18 գոլի և մեկ գոլային փոխանցման հեղինակ։ Ֆուտբոլիստի ներկայիս պայմանագիրն ակումբի հետ նախատեսված է մինչև 2028 թվականի ամառը։
