Անցյալ տարեվերջին Լուիս Սուարեսը միացավ «Ինտեր Մայամիին»։ Նա դառնում է «Բարսելոնայի» չորրորդ նախկին ֆուտբոլիստը, ով միանում է MLS-ին Լիոնել Մեսսիից, Սերխիո Բուսկետսից և Ժորդի Ալբայից հետո: Հնարավոր է, որ այս ցանկը ընդլայնվի։
Goal պորտալն ուշադրություն է հրավիրում այն փաստի վրա, որ սոցցանցերում երկրպագուները քննարկում են Մեսսի-Սուարես-Նեյմար հարձակողական եռյակը վերամիավորելու հնարավորությունը։ Առիթը Նեյմարի հանդիպումն էր «Ինտեր Մայամիի» գլխավոր ներդրող Դեյվիդ Բեքհեմի հետ։ Երկրպագուները ենթադրում են, որ Բեքհեմը Նեյմարի հետ քննարկել է Մայամի տեղափոխվելու հնարավորությունը։
Հիշեցնենք, որ նախորդ ամառ Նեյմարը ՊՍԺ-ից տեղափոխվեց «Ալ-Հիլալ»։ Բրազիլացին իրականում դեռ չի խաղացել Սաուդյան Արաբիայում՝ ծնկի լուրջ վնասվածքի պատճառով։
