«Բարսելոնայի» հարձակվող Ռոբերտ Լևանդովսկին մտադիր չէ հեռանալ թիմից ամառային տրանսֆերային պատուհանի ժամանակ։ Այս մասին հայտնում է լրագրող Ֆլորիան Պլետենբերգը։

Աղբյուրի համաձայն, սաուդյան ակումբները դեռևս հետաքրքրված են 35-ամյա հարձակվողով, չնայած Լևանդովսկին ցանկանում է մնալ «Բարսելոնայում»։ Բացի այդ, ֆուտբոլիստին հետևում է Մադրիդի «Ատլետիկոն»։

Այս մրցաշրջանում լեհ հարձակվողը բոլոր մրցաշարերում մասնակցել է 39 հանդիպման, դարձել 20 գոլի և 9 գոլային փոխանցման հեղինակ։ Լևանդովսկու գործող պայմանագիրը «Բարսելոնայի» հետ նախատեսված է մինչև 2026 թվականը։

Transfermarkt-ը ֆուտբոլիստի արժեքը գնահատում է 15 միլիոն եվրո։