«Բարսելոնան» մտադիր է ամռանը վաճառել մի քանի ֆուտբոլիստների 200 միլիոն եվրոյի դիմաց, հայտնում է Footmercato-ն։
Աղբյուրի տեղեկություններով՝ «Բարսելոնան» դիտարկում է «Ալ-Հիլալի» առաջարկը՝ կատալոնական ակումբի բրազիլացի հարձակվող Ռաֆինյային ձեռք բերելու համար։ Սաուդյան ակումբը պատրաստ է 100 մլն եվրո վճարել բրազիլացի ֆուտբոլիստի տրանսֆերի համար։
Բացի այդ, այն ֆուտբոլիստների ցանկում, որոնց հետ «Բարսելոնան» մտադիր է բաժանվել, կան պաշտպաններ Ժյուլ Կունդեն և Անդրեաս Քրիստենսենը, ինչպես նաև կիսապաշտպան Անսու Ֆատին , ով վարձավճարով հանդես է գալիս անգլիական «Բրայթոնում»:
Բացի այդ, «բլաուգրանաները» հույս ունեն իրենց նախկին ֆուտբոլիստի, իսկ այժմ «Նիցցայի» պաշտպան Ժան-Կլեր Տոդիբոյի տրանսֆերի վրա, քանի որ այս դեպքում կատալոնացիները կստանան տրանսֆերի արժեքի 25%-ը։
«Բարսելոնայի» այս ցուցակի ընդհանուր շուկայական արժեքը, ըստ Transfermarkt-ի, կազմում է 170 միլիոն եվրո:
