Մադրիդի «Ռեալի» կիսապաշտպան Օրելիեն Չուամենին ՊՍԺ-ի հարձակվող Կիլիան Մբապպեին անվանել է հիանալի ֆուտբոլիստ։

«Իսպանացիներն իսկապես գիտեն, թե ինչպիսի ֆուտբոլիստ է Կիլիանը։ Եթե իրականում տեսնեն նրան ուղիղ եթերում, կհասկանան, թե որքան հիանալի ֆուտբոլիստ է նա»,- Չուամենիի խոսքերն է մեջբերում Madrid Xtra-ն:

Մբապպեն ավելի վաղ ասել էր, որ իր ապագայի մասին կհայտարարի մինչև 2024 թվականի Եվրոպայի առաջնության մեկնարկը։ Մրցաշարը կկայանա Գերմանիայում հունիսի 14-ից հուլիսի 14-ը։