Մադրիդի «Ատլետիկոն» ցանկանում է շարունակել համագործակցությունը իսպանացի կիսապաշտպան Կոկեի հետ։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Աղբյուրի համաձայն՝ Մադրիդի «Ատլետիկոն» մոտ է Կոկեի հետ նոր համաձայնության։ Ինչպես նշում է լրագրողը, այժմ դա ժամանակի հարց է։
Գործարքի մանրամասները դեռ քննարկվում են, սակայն երկու կողմերն էլ որոշել են շարունակել համագործակցությունը։
Ընթացիկ մրցաշրջանում Կոկեն անցկացրել է 38 հանդիպում, որոնցում գոլ չի խփել, սակայն կատարել է հինգ գոլային փոխանցում։ Ըստ Transfermarkt-ի՝ կիսապաշտպանի շուկայական արժեքը կազմում է 14 միլիոն եվրո, իսկ այս պահին Մադրիդի «Ատլետիկոն» Լա լիգայի մրցաշարային աղյուսակի չորրորդ տեղում է՝ 28 հանդիպումներից 55 միավորով։
