Մյունխենի «Բավարիան» կարծում է, որ կկարողանա պայմանավորվել «Բարսելոնայի» պաշտպան Ռոնալդ Արաուխոյի տրանսֆերի շուրջ 100 միլիոն եվրոյով, հայտնում է Mundo Deportivo-ն։

Աղբյուրի համաձայն՝ «Բարսելոնայի» պաշտպանը մյունխենյան թիմի առաջնահերթ թիրախն է: Նշվում է, որ «Բավարիան» ստիպված կլինի բաժանվել իր որոշ խաղացողներից՝ Արաուխոյի տրանսֆերը մշակելու համար անհրաժեշտ միջոցներ գտնելու համար։

Այս մրցաշրջանում պաշտպանը «բլաուգրանայի» կազմում անցկացրել է 30 հանդիպում բոլոր մրցաշարերում, որոնցում դարձել է մեկ գոլի հեղինակ։ Ֆուտբոլիստի պայմանագիրը կատալոնական ակումբի հետ ուժի մեջ է մինչև 2026 թվականի հունիսի վերջը։

Transfermarkt-ը ֆուտբոլիստին գնահատում է 70 միլիոն եվրո։