«Լիվերպուլի» գլխավոր մարզիչ Յուրգեն Կլոպը խոսել է Պրեմիեր Լիգայի ընթացիկ մրցաշրջանում չեմպիոնական մրցավազքի մասին։
«Մենք դաժան, նյարդայնացնող փուշ ենք, որից չես կարող ազատվել։ Իրականում սա մեր գաղափարն է։ Մեր իրավիճակում մենք չենք կարող պարզապես փախչել այլ թիմերից։
«Արսենալն» այժմ անհավանական մարզավիճակում է։ Վերջին հինգ կամ վեց խաղերը, որոնք ես տեսել եմ, հիանալի են եղել, և նրանք գրեթե նույն կազմով են խաղացել:
Մենք պարզապես պետք է պայքարենք աղյուսակի վերևում գտնվելու համար»,- Կլոպի խոսքը մեջբերում է «Լիվերպուլի» պաշտոնական կայքը։
Հիշեցնենք, որ Պրեմիեր Լիգայի 28 տուրից հետո «Լիվերպուլը» վաստակել է 64 միավոր և երկրորդ տեղում է։ Իր հերթին «Արսենալը» նույնպես վաստակեց 64 միավոր, սակայն լրացուցիչ ցուցանիշներով առաջին տեղում էր։ «Մանչեսթեր Սիթին» ունի 63 միավոր և երրորդ տեղում է։
