«Բարսելոնայի» պաշտպան Ռոնալդ Արաուխոն կիսվել է Չեմպիոնների լիգայի 1/8-րդ եզրափակչի «Նապոլիի» հետ պատասխան խաղից իր սպասելիքներով։
««Նապոլիի» հետ խաղից շատ մեծ սպասելիքներ կան։ Մենք գիտենք, թե ինչ է նշանակում այս խաղը: Մենք արժանի էինք հաղթելու առաջին արտագնա խաղում։
Պատասխան խաղում ամեն ինչ կտանք «Նապոլիին» հաղթելու համար։ Տնային ամբոխի աջակցությունը պետք է օգնի մեզ: Մենք պատրաստ ենք»,- Արաուխոյի խոսքերն է մեջբերում Barca Universal-ը։
Հիշեցնենք, որ Իտալիայում կայացած առաջին խաղն ավարտվել էր 1:1 հաշվով: Գոլերը խփեցին հարձակվողներ Ռոբերտ Լևանդովսկին և Վիկտոր Օսիմհենը։