Մադրիդի «Ռեալի» գլխավոր մարզիչ Կառլո Անչելոտտին պատասխանել է վնասվածք ստացած թիմի խաղացողներ Տիբո Կուրտուայի և Էդեր Միլիտաոյի մասին հարցին։
«Միանգամայն հնարավոր է, որ Կուրտուան և Միլիտաոն կարողանան խաղալ քառորդ եզրափակչում, ինչը հիանալի նորություն կլինի»,- Անչելոտտիի խոսքերն է մեջբերում ՈՒԵՖԱ-ն։
Հիշեցնենք, որ Կուրտուան 2023 թվականի օգոստոսի 10-ին մարզման ժամանակ պատռել էր ձախ ծնկի առաջի խաչաձև կապանը, իսկ Միլիտաոն նույն վնասվածքից ապաքինվում էր օգոստոսի 12-ից։ Բրազիլացին վնասվածք է ստացել Լա լիգայի առաջին տուրի՝ «Ատլետիկի» դեմ խաղում (2:0)։
