«Բավարիան» ցանկանում է ձեռք բերել «Միլանի» պաշտպան Տեո Էրնանդեսին, եթե պաշտպան Ալֆոնսո Դևիսը տեղափոխվի Մադրիդի «Ռեալ», հայտնում է ինսայդեր Ֆլորիան Պլետենբերգը։
Աղբյուրի համաձայն՝ մյունխենյան ակումբը տեղեկացվել է հնարավոր գործարքի ֆինանսական մանրամասների մասին՝ արդեն խնդրելով տեղեկություն 26-ամյա ֆրանսիացի ֆուտբոլիստի մասին։ «Բավարիան» ակնկալում է տրանսֆերի վրա ծախսել մոտ 60-70 միլիոն եվրո՝ ներառյալ բոնուսները:
Գերմանական ակումբը նույնպես վստահ է, որ Էրնանդեսը պատրաստ է նոր մարտահրավերի։
Էրնանդեսը «Միլան» է տեղափոխվել «Ռեալից» 2019 թվականի հուլիսին: Տրանսֆերային գումարը կազմել է 22,8 միլիոն եվրո: Ֆուտբոլիստի պայմանագիրն ակումբի հետ նախատեսված է մինչև 2026 թվականի ամառը: Transfermarkt-ը պաշտպանին գնահատում է 55 միլիոն եվրո:
Այս մրցաշրջանում Էրնանդեսը անցկացրել է 34 հանդիպում, խփել 4 գոլ և կատարել 9 արդյունավետ փոխանցում։
