«Միլանի» եզրային հարձակվող Ռաֆայել Լեաուն խոսել է իր ապագայի մասին, ինչպես նաև հայտարարել է «ռոսոներիների» հետ գավաթներ նվաճելու իր ցանկության մասին։
«Իմ ապագան «Միլանում» է։ Ես դեռ չորս տարվա պայմանագիր ունեմ։ «Միլանը» օգնեց ինձ, երբ ես հայտնվեցի շատ դժվար իրավիճակում, նրանք ինձ աջակցեցին։ Չեմ մոռանում, ես նվիրված եմ։ Ես եկել եմ այստեղ որպես երեխա, այստեղ ես մեծացել եմ որպես մարդ և որպես ֆուտբոլիստ։ Ես ուզում եմ նորից հաղթել։
Աճելու համար ես պետք է նվաճեմ այնպիսի կարևոր գավաթներ, ինչպիսիք են Չեմպիոնների լիգան կամ Եվրոպա լիգան: Երբ դու «Միլանում» ես, պետք է դա անես, դա ընտրություն չէ, դա պարտավորություն է՝ թողնել քո անունը պատմության մեջ։ Եվրոպայի լիգա. Այնտեղ շատ ուժեղ թիմեր կան, բայց մենք մեր գլխում հստակ պատկերացում ունենք՝ հասնել եզրափակիչ և հաղթել»,- Լեաուի խոսքերը մեջբերում է լրագրող Նիկոլո Սկիրան X սոցիալական ցանցում։
Հիշեցնենք, որ այս մրցաշրջանում Լեաուն բոլոր մրցաշարերում մասնակցել է 33 հանդիպման, որոնցում դարձել է ինը գոլի և ութ գոլային փոխանցման հեղինակ։
