«Բարսելոնան» մանրամասներ է հայտնել կիսապաշտպան Ֆրենկի դե Յոնգի և Պեդրիի վնասվածքների մասին, որոնք ստացել են «Ատլետիկի» հետ Լա լիգայի 27-րդ տուրի խաղում։
Հոլանդացին վնասել է աջ կոճի կապանները, իսկ իսպանացին աջ ազդրի մկանի վնասվածք է ստացել։
Կատալոնական ակումբը չի հայտնում ֆուտբոլիստների վերականգնման ժամկետների մասին, սակայն իսպանական լրատվամիջոցները գրում են, որ դե Յոնգը բաց կթողնի մոտ մեկ ամիս, իսկ Պեդրին վտանգում է բաց թողնել մինչև վեց շաբաթ։
