«Միլանի» վինգեր Ռաֆայել Լեաուն կարող է կարիերան շարունակել Պրեմիեր Լիգայի ակումբներից մեկում։

Ինչպես հաղորդում է Fichajes-ը, «Չելսին» հետաքրքրված է 24-ամյա պորտուգալացու տրանսֆերով՝ խաղացողին դիտարկելով որպես Ռահիմ Ստերլինգին փոխարինող գալիք ամառ։

Ավելի վաղ հայտնի էր դարձել, որ եզրային հարձակվողը նոր պայմանագիր է կնքել ռոսոներիների հետ, որը նախատեսված է մինչև 2027/28 մրցաշրջանի ավարտը։ Միևնույն ժամանակ, համաձայնագրում դրված է եղել ֆուտբոլիստին 175 միլիոն եվրոյով գնելու կետ։

Լեաուն պաշտպանում է «Միլանի» գույները 2019 թվականի օգոստոսից։ Ընդհանուր առմամբ նա իտալական ակումբի կազմում անցկացրել է 196 հանդիպում, խփել 52 գոլ և կատարել 44 գոլային փոխանցում։