«Բարսելոնայի» նախագահ Ժոան Լապորտան միջոցառումներից մեկի ժամանակ մեծ ապագա է կանխատեսել կատալոնական ակումբի համար, ինչպես նաև խոսել է թիմի տաղանդավոր երիտասարդության մասին։
«Ես տեսնում եմ հիանալի «Բարսելոնա» մոտակա հինգ տարվա ընթացքում: Մենք միշտ նախապատվությունը տվել ենք տաղանդներին շատ փոքր տարիքից: Մեր ակադեմիան տվել է տաղանդավոր ֆուտբոլիստներ, ովքեր աչքի են ընկել ակնառու արդյունքներով։ Սա փոխանցվում է սերնդեսերունդ: Կա շարունակականություն։
Անցյալի փառավոր սերունդը մեզ առաջնորդեց դեպի հաջողություն: Սա մեր ուժեղ կողմերից և մեր հիմքն է: Որպեսզի ակումբը լինի կենսունակ և կայուն, ինչպես մարզական, այնպես էլ տնտեսապես, պարտավորվածությունը էական է:
«Բարսելոնան» միշտ հաջողությունների է հասել, երբ թիմը բաղկացած է եղել լավագույն սաներից»,- Լապորտայի խոսքերն է մեջբերում Mundo Deportivo-ն։
Այս մրցաշրջանում «Բարսելոնան» Լա Լիգայում 57 միավորով զբաղեցնում է երրորդ տեղը և առաջատար «Ռեալին» զիջում է 8 միավորով։
