Կատալոնական «Բարսելոնայի» նախկին կիսապաշտպան Ֆիլիպե Կոուտինյոն պատմել է, թե ինչ կփոխեր «Բարսայի» կազմում հանդես գալու ընթացքում։
«Ի՞նչ կփոխեի «Բարսելոնայում» խաղալու մեջ․ Բացարձակ ոչինչ, ես ոչինչ չէի փոխի։ Անհնար է վերադառնալ անցյալ, բայց ես ոչ մի բանի համար չեմ ափսոսում։ Մարզումների ժամանակ ես միշտ տվել եմ լավագույնս, ինչպես անում եմ «Ալ-Դուհեյլում»։
Եթե ամեն ինչ լավ է ընթանում, ամեն ինչ հիանալի է, բայց եթե ինչ-որ բան այն չէ, պետք է համբերատար լինել»,- Կոուտինյոյի խոսքերն է մեջբերում Sport-ը:
2018 թվականի հունվարին «Բարսելոնան» Կոուտինյոյի համար «Լիվերպուլին» վճարեց 135 միլիոն, սակայն բրազիլացին չկարողացավ արդարացնել ղեկավարության սպասելիքները։
