Իտալիայի հավաքականի գլխավոր մարզիչ Լուչիանո Սպալետին արգելել է ֆուտբոլիստներին PlayStation-ը բերել ազգային թիմ։
– Հաճախ եք խոսում աշխատանքի, արժեքների, պրոֆեսիոնալիզմի, սեփական դերի և այլ մարդկանց դերի հանդեպ հարգանքի մասին։
– Որովհետև ամեն ինչ սկսվում է այստեղից: Սա այն հիմքն է, որին պետք է այնուհետև ավելացնել տաղանդը: Մարզաշապիկ, արժեքներ, հպարտություն, պատասխանատվություն. սրանք բառեր չեն, որոնք ես օգտագործում եմ պատահական, նույնիսկ եթե ինչ-որ մեկի մոտ այդ տպավորությունն է:
Այսուհետ նրանք PlayStation-ը կթողնեն տանը և այն իրենց հետ չեն տանի։
Ես նրանց համար մի փոքրիկ խաղ կմտածեմ, որպեսզի գիշերը հանգստանան: Նրանք կգան ինձ մոտ, և ես երեկոյան նրանց առաջադրանքներ կտամ, եթե օրվա աշխատանքը չբավականացնի։ Որովհետև ազգային հավաքականում պետք է մնալ ճիշտ ուղու վրա, կենտրոնանալ և չխաբել:
Ինձ պետք է ուժեղ թիմ ստեղծել։ Ես երբեք գոհ չեմ, ցանկանում եմ հաղթել Եվրոպայի առաջնությունում, իսկ հետո՝ Աշխարհի առաջնությունում։ Այն ելույթները, որոնք ես տալիս եմ հավաքականին, բոլորն են ակնկալում իտալացիներից. մենք գնում ենք Գերմանիա հաղթելու, ոչ թե մասնակցելու։ Մեր պատմությունը դա է պահանջում։
Դա անելու համար ինձ պետք է, որ այս տղաները դառնան ավելի լավը, քան կան: Ես ժամանակ չունեմ նրանց վարժեցնելու. մենք պետք է կրակ վառենք նրանց մեջ, ստիպենք նրանց հավատալ, որ կարող են դա անել:
Իտալացիները պահանջում են սառը և պատասխանատու թիմ, կոշտ և համարձակ: Մարդիկ գալիս են հավաքական՝ հաղթելու Եվրոպայի առաջնությունը, այլ ոչ թե հաղթելու Call of Duty-ում»,- Սպալետիի խոսքերն է մեջբերում La Gazzetta dello Sport-ը։
