«Վուլվերհեմփթոնի» նախկին գլխավոր մարզիչ Խուլեն Լոպետեգին հույս ունի նոր աշխատանք գտնել Պրեմիեր լիգայում:
«Քրիսթալ Փելասը», որը փոխարինող էր փնտրում Ռոյ Հոջսոնին, պատրաստ էր կատարել իսպանացու ցանկությունը, սակայն 57-ամյա մասնագետը վերջերս մերժեց «Արծիվներին»։ Ինչպես հաղորդում է Football Insider-ը, Լոպետեգին հետաքրքրված է Պրեմիեր լիգայի մեկ այլ ակումբով՝ «Վեսթ Հեմով»:
«Մուրճերը» մտածում են Դեյվիդ Մոյեսից բաժանվելու մասին: 2024 թվականի սկզբից ի վեր «Վեսթ Հեմը» չի հաղթել Պրեմիեր լիգայի վեց հանդիպումներից ոչ մեկում։ Վերջին երեք հանդիպումներում լոնդոնցիները երեք պարտություն են կրել ընդհանուր 0։11 հաշվով։ Նաև հունվարին Մոյեսի թիմը դուրս մնաց Անգլիայի գավաթից՝ պարտվելով «Բրիստոլ Սիթիին»։ Խուլեն Լոպետեգին մրցաշրջանի մեկնարկից առաջ հեռացավ «Վուլվզից»:
