«Մանչեսթեր Յունայթեդի» հարձակվող Ռասմուս Հոյլունդը գոլի հեղինակ է դարձել Պրեմիեր Լիգայի 24-րդ տուրի՝ «Ասթոն Վիլայի» հետ խաղում։ Այսպիսով, նա գոլի հեղինակ դարձավ հինգերորդ խաղում անընդմեջ։
Նախկինում հարձակվողը գոլի հեղինակ էր դարձել 19-րդ տուրում «Ասթոն Վիլայի» հետ (3:2), 21-րդ տուրում «Թոթենհեմի» հետ (2:2), որտեղ նաև գոլային փոխանցում էր կատարել, 22-րդ տուրի «Վուլվերհեմփթոնի» հետ խաղում (4:3), որտեղ նա նաև գոլային փոխանցում կատարեց և 23-րդ տուրի «Վեսթ Հեմի» հետ խաղում (3:0): Ռասմուսը հիվանդության պատճառով բաց է թողել Պրեմիեր Լիգայի 20-րդ տուրը։
Այս մրցաշրջանում 21-ամյա հարձակվողը «Մանչեսթեր Յունայթեդի» կազմում բոլոր մրցաշարերում անցկացրել է 28 հանդիպում, որոնցում դարձել է 10 գոլի և 2 գոլային փոխանցման հեղինակ։ Միևնույն ժամանակ, Transfermarkt ինտերնետային պորտալի տվյալներով, խաղացողի շուկայական արժեքը կազմում է 65 միլիոն եվրո:
