Այսօր Հանչժոուի սպորտային կոմիտեն հատուկ հայտարարություն է տարածել՝ հայտարարելով Արգենտինայի և Նիգերիայի ազգային հավաքականների ընկերական հանդիպման չեղարկման մասին, որը պետք է կայանար չինական այս քաղաքում մարտի երկրորդ կեսին։ Միջին Թագավորություն կատարած շրջագայության ընթացքում հարավամերիկացիները ծրագրել էին Պեկինում հանդիպել նաեւ Կոտ դ՛Իվուարի հետ։ Այս խաղի մասին դեռ տեղեկություններ չկան։
«Հայտնի պատճառներով իրավասու մարմինները եկել են այն եզրակացության, որ Արգենտինայի հավաքականի մասնակցությամբ խաղ անցկացնելու համար պայմաններ չկան։ Որոշում է կայացվել չեղարկել այս միջոցառումը»,- ասված է հաղորդագրության մեջ։
«Հայտնի պատճառներով» պետք է հասկանալ անցյալ շաբաթ Լիոնել Մեսսիի պահվածքի և Հոնկոնգում ցուցադրական հանդիպմանը չմասնակցելու պատճառով ծագած սկանդալը, որտեղ եկել էր «Ինտեր Մայամին»։
