Մադրիդի «Ռեալը» շարունակում է աշխատել «Լիլի» կենտրոնական պաշտպան Լենի Յորոյի հնարավոր ձեռքբերման ուղղությամբ, հայտնում է Marca-ն։
Աղբյուրի համաձայն՝ մադրիդցիների ղեկավարության մարտավարությունն այն է, որ 18-ամյա ֆուտբոլիստը հրաժարվի երկարաձգել պայմանագիրը «Լիլի» հետ։ Այս դեպքում բուլդոգները ստիպված կլինեն նվազեցնել իրենց պաշտպանվող խաղացողի արժեքը: Նշվում է, որ ՊՍԺ-ի թիրախում է նաեւ Յորոն: Ֆրանսիական ակումբը նախատեսում է երիտասարդ պաշտպանի համար լուրջ մրցակցություն տալ «Ռեալին»։
Յորոն «Լիլի» համակարգում է 2017 թվականից։ Այս մրցաշրջանում պաշտպանը բուլդոգների կազմում անցկացրել է 26 հանդիպում բոլոր մրցաշարերում, որոնցում դարձել է երեք գոլի հեղինակ։ Ֆուտբոլիստի պայմանագիրը ֆրանսիական ակումբի հետ ուժի մեջ է մինչև 2025 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 25 մլն եվրո։
