«Բարսելոնայի» նախկին մարզիչ Էռնեստո Վալվերդեն մեկնաբանել է Չավիի՝ այս մրցաշրջանի ավարտին կատալոնական ակումբից հեռանալու մասին լուրերը։
«Յուրաքանչյուր ոք պետք է իր որոշումները կայացնի։ Ես գիտեմ, թե ինչ է նշանակում լինել «Բարսելոնայի» մարզիչ և ինչպես է այնտեղ ամեն ինչ աշխատում: Չպետք է մոռանալ, որ Չավին այս առաջնության չեմպիոն մարզիչ է, և որպես «Բարսայի» խաղացող նա հաղթել է ամեն ինչ։ Նա կայացրել է այս որոշումը և կարծում է, որ դա իր համար լավագույնն է լինելու։ Շատ բաներ կան, որոնցում ես կարող եմ հասկանալ նրան»,- Վալվերդեի խոսքերն է մեջբերում Mundo Deportivo-ն։
Չավին «Բարսելոնան» գլխավորում է 2021 թվականի աշնանից։ Թիմը 44 միավորով զբաղեցնում է մրցաշարային աղյուսակի չորրորդ տեղը։
Հունվարի 28-ին հաղորդվում էր, որ Հանս-Դիտեր Ֆլիկը կարող է դառնալ «Բարսելոնայի» նոր գլխավոր մարզիչը։ Ակումբի նախագահ Ժոան Լապորտան պնդում է 58-ամյա գերմանացու թեկնածությունը։
