«Մանչեսթեր Սիթին», «Բավարիան», «Ռեալը» և «Լիվերպուլը» հսկում են Լևերկուզենի «Բայերի» գլխավոր մարզիչ Խաբի Ալոնսոյին, հայտնում է BBC-ն։

Ըստ աղբյուրի, «Սիթիի» ղեկավարությունը նայում է իսպանացի մարզչին, եթե Պեպ Գվարդիոլան չերկարաձգի պայմանագիրը, որն ավարտվում է հաջորդ ամառ։ Ավելի վաղ հաղորդվում էր, որ Խաբի Ալոնսոն «Լիվերպուլում» Յուրգեն Կլոպին փոխարինելու գլխավոր թեկնածուն է։ Գերմանացի մասնագետն ընթացիկ մրցաշրջանի ավարտից հետո կլքի մերսիսայդյան ակումբը։

Ալոնսոն «Բայերի» գլխավոր մարզիչ է դարձել 2022 թվականի հոկտեմբերին։ Այս մրցաշրջանում «Բայերը» Բունդեսլիգայի 18 խաղից հետո 48 միավորով գլխավորում է առաջնության առաջատարը։ Միաժամանակ իսպանացի մասնագետի գլխավորությամբ թիմը 2023/2024 մրցաշրջանում երբեք չի պարտվել՝ գրանցելով 24 հաղթանակ և երեք անգամ ոչ-ոքի խաղալով։