Թուրինի «Յուվենտուսի» հարձակվող Մոյզե Քինը վարձավճարով կտեղափոխվի Մադրիդի «Ատլետիկո»:
Ըստ հավաստի տեղեկությունների՝ 23-ամյա ֆուտբոլիստի տրանսֆերը նախատեսվում է ձեւակերպել մոտ ժամանակներս։ Այնուամենայնիվ, ըստ ինսայդեր Ջանլուկա Դի Մարցիոյի թարմացված տեղեկատվության, գործարքը պետք է սպասի։
Այն հետաձգվում է, քանի որ «Ատլետիկոն» մտադիր է վաճառել Անխել Կորեային նախքան Քինի հետ պայմանագիր կնքելը:
Հիշեցնենք, որ «Ատլետիկոյի» արգենտինացի հարձակվողը կարող է տեղափոխվել Սաուդյան Արաբիա։ Այս մրցաշրջանում Մոյզե Քինը «Յուվենտուսի» կազմում անցկացրել է ընդամենը 12 հանդիպում՝ առանց գոլերի: Իտալացու պայմանագիրը «ծեր սինյորայի» հետ նախատեսված է մինչև 2025 թվականի կեսերը:
