Մադրիդի «Ռեալի» ձախ պաշտպան Ֆերլանդ Մենդին հետաքրքրված չէ առաջիկա ամառային տրանսֆերային պատուհանի ընթացքում ակումբ փոխելու հարցում։ Այս մասին հայտնում է Football Espana-ն՝ հղում անելով Marca-ին։

Աղբյուրի համաձայն՝ 28-ամյա ֆուտբոլիստի ներկայացուցիչներն ամեն ինչ կանեն, որպեսզի Մենդին մնա մադրիդյան ակումբում և շարունակի հանդես գալ «Ռեալում»։ Ֆրանսիացին չի վախենում «Բավարիայի» ձախ պաշտպան Ալֆոնսո Դևիսի «Ռեալ» հնարավոր տեղափոխվելուց։ Ֆրանսիացին պատրաստ է պայքարել մադրիդցիների մեկնարկային կազմում տեղի համար։

Մենդին «Ռեալում» հանդես է գալիս 2019 թվականից։ Այս մրցաշրջանում պաշտպանը թիմի կազմում անցկացրել է 18 հանդիպում բոլոր մրցաշարերում, որոնցում դարձել է մեկ գոլի հեղինակ։ Ֆուտբոլիստի պայմանագիրը մադրիդյան ակումբի հետ ուժի մեջ է մինչև 2025 թվականի հունիսի վերջը։