Բրազիլացի լեգենդար նախկին ֆուտբոլիստ Ռոնալդոն հայտնել է, որ մտածում է Կիլիան Մբապպեի՝ Մադրիդի «Ռեալ» հնարավոր տեղափոխության մասին։ 25-ամյա հարձակվողն այս մրցաշրջանի ավարտից հետո կարող է տեղափոխվել Մադրիդ։
««Ռեալը» միշտ պայմանագիր է կնքում աշխարհի լավագույն խաղացողների հետ։ Ակումբը երկար տարիներ պահպանել է այս փիլիսոփայությունը, և զարմանալի չէ, որ մենք դա տեսնում ենք հիմա։ Սա իսկական սերիալ է, որը երկար է շարունակվում»,- Ռոնալդոի խոսքերն է մեջբերում RMC Sport-ը։
Մբապպեի պայմանագիրը փարիզցիների հետ ավարտվում է 2024 թվականի հունիսին, ուստի այժմ նա ազատ է բանակցել այլ ակումբների հետ։ Այս մրցաշրջանում 25-ամյա ֆրանսիացին բոլոր մրցաշարերում անցկացրել է 26 հանդիպում, դարձել 28 գոլի և 6 գոլային փոխանցման հեղինակ։
