Մադրիդի «Ռեալի» գլխավոր մարզիչ Կառլո Անչելոտտին ասել է, թե ինչ է մտածում Չավիի ապագայի մասին «Բարսելոնայում»։ Նա կարծում է, որ մասնագետն ունի այն ամենը, ինչ անհրաժեշտ է իր աշխատանքը լավ կատարելու համար։
«Չավի՞ն։ Ես հարգում եմ իմ բոլոր գործընկերներին։ Մենք շատ դժվար գործ ունենք։ Մենք լավ գիտենք, որ երբ ամեն ինչ լավ չի ընթանում, մարզիչը պատասխանատվություն է կրում»,- Անչելոտտիի խոսքերն է մեջբերում Madrid Universal-ը:
Ավելի վաղ հաղորդվում էր, որ «Ժիրոնայի» մարզիչ Միշելը կարող է գլխավորել «Բարսելոնան» Չավիի փոխարեն:
Լա Լիգայի 19 տուրից հետո «Բարսելոնան» 41 միավորով զբաղեցնում է մրցաշարային աղյուսակի 4-րդ հորիզոնականը։
