«Բարսելոնայի» գլխավոր մարզիչ Չավին խոսել է Իսպանիայի գավաթի խաղարկության 1/16 եզրափակչի առաջիկա հանդիպման մասին, որում իր թիմը կհանդիպի «Բարբաստրոյի» հետ։
«Այս խաղից մենք քիչ բան ունենք շահելու և շատ բան՝ կորցնելու: «Բարսելոնան» ակնհայտ ֆավորիտ է, բայց մենք պետք է զգոն լինենք: «Բարբաստրոն» սպասում է կյանքի հանդիպմանը, այս թիմը խաղում է ուղիղ առաջ: Պրակտիկան ցույց է տալիս, որ մեզ համար հեշտ չէ նման մրցակիցների հետ հանդիպումներում։
Միշտ կարևոր է հարգանքով վերաբերվել հակառակորդին։ Եթե մտածենք, որ հեշտ է լինելու, սխալ կլինի։ Եվ ցանկացած սխալ կարող է հանգեցնել պարտության: Ամեն դեպքում, մեր նպատակը եզրափակիչ դուրս գալն ու այն հաղթելն է»,-Չավիի խոսքերն է մեջբերում Marca-ն։
