Կատալոնական «Բարսելոնայի» ղեկավարները հասկացրել են թիմի հարձակվող Ռոբերտ Լևանդովսկուն, ինչպես նաև թիմի մնացած խաղացողներին, որ նրանցից ոչ ոք թիմում արտոնյալ կարգավիճակ չունի, հայտնում է Marca-ն։
Աղբյուրի համաձայն, «Բարսելոնայի» ղեկավարությունը լեհ ֆուտբոլիստին ակնարկել է, որ եթե նա ցուցադրի նույն խաղամակարդակը, ինչպես ցույց էր տվել մրցաշրջանի առաջին հատվածում, կարող է վաճառվել: Սակայն ընդգծվում է, որ կատալոնական ակումբի ղեկավարներն ու թիմի գլխավոր մարզիչ Չավին կարծում են, որ 35-ամյա ֆուտբոլիստը ամանորյա արձակուրդից հետո կկարողանա խաղային մարզավիճակ ձեռք բերել ու բարելավել իր ելույթը։
Հիշեցնենք, որ այս մրցաշրջանում Լևանդովսկին բոլոր մրցաշարերում մասնակցել է 21 հանդիպման, որոնցում դարձել է 9 գոլի և 5 գոլային փոխանցման հեղինակ։
