«Չելսիի» գլխավոր մարզիչ Մաուրիսիո Պոչետինոն զայրացել է լրագրողի վրա, ով հարց է տվել Ռոմելու Լավիայի չխաղալու մասին։
«Այսպիսի հարցերով դուք ճնշում եք գործադրում խաղացողների վրա, ովքեր չեն խաղում: Նա իրեն լավ է դրսևորում, բայց նրան դեռ ժամանակ է պետք ավելի լավ մարզավիճակ ձեռք բերելու համար: Իհարկե, ես հիասթափված եմ, որ մի խաղացող, ով պետք է մեզ համար կարևոր խաղացող լինի, չի օգնում թիմին:
Եթե նա դեռ չի խաղացել, դա այն պատճառով չէ, որ մենք չենք հավատում նրան: Դա պայմանավորված է նրանով, որ կան շատ այլ խաղացողներ, ովքեր պատրաստ են և մարզվում են: Եվ միգուցե այդ որոշումները պետք է կայացվեն, որպեսզի ազդեն խաղացողների վրա, ովքեր ավելի պատրաստ են, քան մյուսները»,- Պոչետինոյի խոսքը մեջբերում է Football London-ը։
19-ամյա կիսապաշտպանը «Չելսիին» միացել է «Սաութհեմփթոնից» 2023 թվականի օգոստոսին 62 միլիոն եվրոյի դիմաց, սակայն այդ ժամանակվանից ի վեր ոչ մի պաշտոնական հանդիպում չի անցկացրել լոնդոնյան ակումբի կազմում։
