«Բավարիայի» և Գերմանիայի հավաքականի կիսապաշտպան Ջամալ Մուսիալան ասել է, որ իրեն և Մադրիդի «Ռեալի» կիսապաշտպան Ջուդ Բելինգհեմին անվանում են «Ոսկե գնդակի» ապագա դափնեկիրներ։
Մուսիալան և Բելինգհեմը նախկինում միասին խաղացել են Անգլիայի երիտասարդական և մինչև 21 տարեկանների հավաքականներում:
«Ես շատ ուրախ եմ, որ որոշ փորձագետներ ինձ և Բելինգհեմին տեսնում են որպես «Ոսկե գնդակի» ապագա դափնեկիրներ»:
Մենք Ջուդի հետ ընկերներ ենք: Անգլիայի երիտասարդական հավաքականում մենք սենյակակիցներ էինք։ Հիմա նա խաղում է «Ռեալում», իսկ ես՝ «Բավարիայում»։ Սա խելագարություն է։
Ջուդը շատ լավ է հանդես գալիս իր ակումբում, և ես ուրախ եմ նրա համար: Ընդհանրապես, անհատական մրցանակները շատ կապված են կոլեկտիվների հետ։ Եթե դու շատ գավաթներ ես նվաճում քո ակումբի կամ ազգային թիմի հետ, ապա «Ոսկե գնդակը» ստանալու քո շանսերը կավելանան»,- ասել է Մուսիալան լրագրող Մաքսիմիլիան Կոխին տված հարցազրույցում:
Այս մրցաշրջանում 20-ամյա Մուսիալան բոլոր մրցաշարերում «Բավարիայի» 18 խաղում դարձել է 5 գոլի և 3 գոլային փոխանցման հեղինակ։
