«Մանչեսթեր Յունայթեդի» հարձակվող Մարկուս Ռեշֆորդը որոշել է այն ակումբը, որտեղ ցանկանում է շարունակել կարիերան, հայտնում է Todofichajes-ը։
Աղբյուրի համաձայն՝ անգլիացի հարձակվողը ցանկանում է տեղափոխվել կատալոնական «Բարսելոնա»։ Ֆուտբոլիստի նկատմամբ հետաքրքրություն են ցուցաբերում Թուրինի «Յուվենտուսը» և ՊՍԺ-ն, սակայն Մարկուսը ցանկանում է խաղալ միայն կատալոնական ակումբում։ Եթե կողմերը կարողանան պայմանավորվել, ապա գործարքը կավարտվի մրցաշրջանի ավարտին։
Ռեշֆորդի պայմանագիրը «կարմիր սատանաների» հետ նախատեսված է մինչև 2028 թվականի ամառ։ Նրա տրանսֆերային արժեքը գնահատվում է 70 միլիոն եվրո։
Պրեմիեր լիգայի ընթացիկ մրցաշրջանում հարձակվողը անցկացրել է 16 հանդիպում, դարձել երկու գոլի և գոլային փոխանցման հեղինակ։
