Կատալոնական «Բարսելոնան» մտահոգված է ընթացիկ մրցաշրջանում կենտրոնական հարձակվող Ռոբերտ Լևանդովսկու խաղով։ 35-ամյա հարձակվողը Լա Լիգայում այնքան էլ արդյունավետ չի եղել, իսկ Չեմպիոնների Լիգայի խմբային փուլում վեց խաղում խփել է ընդամենը մեկ գոլ։
Ինչպես հայտնում է Todofichajes-ը, «Բլաուգրանայի» ղեկավարները լրջորեն մտածում են գոլահարից ազատվելու մասին: Միևնույն ժամանակ, լեհի պայմանագիրը կատալոնացիների հետ նախատեսված է մինչև 2026 թվականի ամառը։ Նրա տրանսֆերային արժեքը կազմում է 30 միլիոն եվրո։
Լևանդովսկին Լա Լիգայի ընթացիկ մրցաշրջանում անցկացրել է 15 հանդիպում։ Լեհը դարձել է 8 գոլի և 3 գոլային փոխանցման հեղինակ:
