«Ռիվեր Փլեյթի» արգենտինացի հարձակվողական ոճի կիսապաշտպան Կլաուդիո Էչևերին կարող է տեղափոխվել եվրոպական բարձրակարգ ակումբ:
Ինչպես հայտնում է ինսայդեր Ֆաբրիցիո Ռոմանոն, «Չելսին» և «Մանչեսթեր Սիթին» կապ են հաստատել «Ռիվեր Փլեյթի» ներկայացուցիչների հետ՝ 17-ամյա կիսապաշտպանի հնարավոր տեղափոխության մասին տեղեկություն իմանալու համար։ Նշվում է, որ «Բարսելոնան» դեռ հետաքրքրված է Էչևերիի հետ պայմանագիր կնքելու հարցում, սակայն կատալոնացիները դժվարություններ կունենան գործարքն ավարտին հասցնելու ֆինանսական ֆեյր-փլեյի պատճառով:
Աղբյուրի համաձայն՝ Էչևերիի ազատման կետը կազմում է 25 միլիոն եվրո, սակայն տրանսֆերային պատուհանի վերջին օրերին այն կարող է հասնել 30 միլիոնի։
