«Բարսելոնայի» գլխավոր մարզիչ Չավին ամփոփել է Իսպանիայի առաջնության 17-րդ տուրի՝ «Վալենսիայի» դեմ խաղի արդյունքները (1:1)։
«Մենք արժանի էինք հաղթանակի։ Մենք շատ լավ խաղացինք և արեցինք անհրաժեշտ ամեն ինչ հաղթելու համար։ Բավական հնարավորություններ ստեղծեցինք հաղթելու համար։ Մենք պետք է շատ ավելի ուժեղ լինենք մրցակցի գոտում։ Կարծում եմ՝ երկու միավոր կորցրեցինք։ Եթե կա որևէ բան, որի վրա պետք է կենտրոնանանք, դա արդյունավետությունն է:
Չենք կարող ներել նման դեպքերը։ Մենք մեզանից ավելին պետք է պահանջենք։ Ես հանգիստ եմ։ Ես հիասթափված եմ, քանի որ կարծում եմ, որ այս խաղում պետք էր հաղթել: Ուզում եմ դրական լինել, մենք ավելի լավն ենք լինելու»,- Չավիի խոսքերն է մեջբերում Marca-ն։
