«Յուվենտուսը» աշխատում է Ուկրաինայի հավաքականի ֆուտբոլիստ Գեորգի Սուդակովի հետ պայմանագիր կնքելու վրա:
Ինչպես հայտնում է իտալացի լրագրող Ռոմեո Ագրեստին, թուրինյան ակումբն արդեն բանակցություններ է վարում Դոնեցկի «Շախտյորի» խաղացողի շրջապատի հետ։
«Յուվենտուսը» պատրաստ է Սուդակովի համար վճարել 25 միլիոն եվրո։
Ընթացիկ մրցաշրջանում ուկրաինացի ֆուտբոլիստը Դոնեցկի «Շախտյորի» կազմում բոլոր մրցաշարերում անցկացրել է 17 հանդիպում, դարձել 3 գոլի և 1 գոլային փոխանցման հեղինակ։
