«Նապոլին» համաձայնել է երկարաձգել պայմանագիրը թիմի հարձակվող Վիկտոր Օսիմհենի հետ։
Ինչպես հայտնում է լրագրող և ինսայդեր Ֆաբրիցիո Ռոմանոն, կողմերը պայմանավորվել են երկարաձգել պայմանագիրը, որը նախատեսված կլինի մինչև 2026 թվականի ամառ։
Պայմանագրում փոխհատուցման չափը կկազմի 130 մլն եվրո։
Շուտով սպասվում է «Նապոլիի» պաշտոնական հայտարարությունը։
Այս մրցաշրջանում Օսիմհենը «Նապոլիի» կազմում անցկացրել է 15 հանդիպում բոլոր մրցաշարերում, որոնցում դարձել է 7 գոլի և երկու գոլային փոխանցման հեղինակ։