Իտալական «Միլանը» դուրս մնաց Չեմպիոնների Լիգայից, բայց ոչ եվրոպական մրցաշարերից՝ նրանք կշարունակեն պայքարը Եվրոպայի Լիգայում։
Թիմի առաջատար, պորտուգալացի հարձակվող Ռաֆայել Լեաուն խոստովանել է, որ այս արդյունքն ընկալվել է որպես ձախողում՝ նպատակը փլեյ-օֆֆ դուրս գալն էր։
«Նպատակը Չեմպիոնների Լիգայի փլեյ-օֆֆ մտնելն էր, բայց չստացվեց: Այնուամենայնիվ, Եվրոպան մեզ համար շարունակվում է»,- Ռաֆայել Լեաուի խոսքերն է մեջբերում pianetamilan.it-ը։
Հիշեցնենք, որ «Միլանը» իր ողջ պատմության ընթացքում երբեք չի հաղթել ոչ ՈՒԵՖԱ-ի գավաթում, ոչ էլ Եվրոպայի Լիգայում: Թիմը վերջին անգամ Չեմպիոնների Լիգայում հաղթել է 2007 թվականին։
