Ֆրանսիայի հավաքականի հարձակվող Կիլիան Մբապպեն որոշել է, թե որտեղ է շարունակելու իր կարիերան։ Ինչպես տեղեկացնում է El Debate-ը, 24-ամյա հարձակվողը որոշել է հեռանալ ՊՍԺ-ից և տեղափոխվել Մադրիդի «Ռեալ», որը վաղուց հետաքրքրված է նրանով։

Մբապպեն իր ընտրությունը պետք է հաստատի հունվարին: Եթե ​​դա տեղի չունենա, իսպանական գրանդը իր ուշադրությունը կդարձնի Նորվեգիայի և «Մանչեսթեր Սիթիի» հարձակվող Էրլինգ Հոլանդին։

Ֆրանսիացի ռմբարկուի պայմանագիրը ՊՍԺ-ի հետ ավարտվում է հաջորդ ամառ։ Այս մրցաշրջանում Կիլիանը մասնակցել է Լիգա 1-ի 14 հանդիպման՝ դառնալով 15 գոլի և 2 գոլային փոխանցման հեղինակ։