Մադրիդի «Ռեալի» ղեկավարությունը որոշել է հրաժարվել ՊՍԺ-ի հարձակվող Կիլիան Մբապպեին գնելու մտքից՝ առաջնահերթությունը տալով «Մանչեսթեր Սիթիի» հարձակվող Էրլինգ Հոլանդին ձեռք բերելուն։ Այս մասին հայտնում է BolaSport-ը։
Աղբյուրի համաձայն՝ նորվեգացի ֆուտբոլիստն իսպանական ակումբի գլխավոր տրանսֆերային նպատակը կդառնա 2024 թվականի ամռանը։
Հիշեցնենք, որ ավելի վաղ մամուլում տեղեկություն էր հայտնվել, որ ՊՍԺ-ն ու Մադրիդի «Ռեալն» արդեն պայմանավորվել են Մբապպեի տրանսֆերի շուրջ, ինչի համար փարիզյան ակումբը դրամական փոխհատուցում կստանա «Ռեալից»։