Պորտուգալացի հարձակվող Ժոաու Ֆելիշը վարձավճարով հանդես է գալիս «Բարսելոնայում»։ Կատալոնական ակումբը ցանկանում է գնել պորտուգալացուն, սակայն ամեն ինչ կախված է կատալոնական ակումբի ֆինանսից։

Նշվում է, որ «Ատլետիկոն» ցանկանում է 70-80 միլիոն եվրո ստանալ 24-ամյա խաղացողի համար։ «Բարսելոնան» պատրաստ չէ այդքան վճարել։

Ինչպես հայտնում է Mundo Deportivo-ն, «Բարսելոնան» նախատեսում է 30-ից 40 միլիոն եվրո առաջարկել Ֆելիշի գնման համար։ Եթե ​​այս առաջարկը մերժվի, կատալոնացիները կաշխատեն խաղացողի վարձակալությունը ևս մեկ մրցաշրջանով երկարաձգելու ուղղությամբ։

Ընթացիկ մրցաշրջանի 17 խաղում Ֆելիշը խփել է 5 գոլ և կատարել երեք գոլային փոխանցում։