Կատալոնական «Բարսելոնան» որոշել է մշտական հիմունքներով գնել պաշտպան Ժոաու Կանսելուին։ Լրագրող Ռոջեր Տորելլոյի տեղեկություններով՝ ղեկավարությունը տպավորված է եղել պորտուգալացու ելույթներով առաջին ամիսներին։
Հիշեցնենք, որ Կանսելուն վարձավճարով հանդես է գալիս «Բարսելոնայում»։ Աղբյուրը հայտնում է, որ «Մանչեսթեր Սիթին» պահանջում է 25 միլիոն եվրո՝ ֆուտբոլիստին ամբողջությամբ գնելու համար, սակայն «Բարսելոնայի» ղեկավարությունը բոլոր ջանքերը կգործադրի պորտուգալացու գինը նվազեցնելու համար։
«Բարսելոնայի» կազմում իր վերջին խաղում Կանսելուն Չեմպիոնների Լիգայի խմբային փուլի 5-րդ տուրում «Պորտուի» հետ խաղում դարձել է գոլի և գոլային փոխանցման հեղինակ։
