«Վեսթ Հեմը» հետաքրքրված է «Մանչեսթեր Սիթիի» կիսապաշտպան Կալվին Ֆիլիպսի ծառայություններով, հայտնում է Football Insider-ը։
Ըստ աղբյուրի՝ «քաղաքայինները» պատրաստ են հունվարին վարձակալությամբ տալ անգլիացի ֆուտբոլիստին կամ մշտական հիմունքներով վաճառել նրան։
Ավելի վաղ հաղորդվում էր, որ Ֆիլիպսի ծառայություններով հետաքրքրված են նաև «Լիվերպուլը», «Նյուքասլը» և «Յուվենտուսը»: Այս մրցաշրջանում 28-ամյա Ֆիլիպսը 8 հանդիպում է անցկացրել «Մանչեսթեր Սիթիի» կազմում։ Transfermarkt պորտալը անգլիացուն գնահատում է 28 միլիոն եվրո:
