Ամառային տրանսֆերային պատուհանի ժամանակ Մադրիդի «Ռեալը» ստիպված էր նոր դարպասապահ փնտրել Տիբո Կուրտուայի ծանր վնասվածքի պատճառով։
Մադրիդյան ակումբը խնդիրը լուծել է՝ «Չելսիից» վարձակալելով Կեպա Արիսաբալագային։ Ըստ The Sun-ի՝ Մադրիդի «Ռեալը» պատրաստ է բանակցել «Չելսիի» հետ Կեպային գնելու շուրջ։
Միաժամանակ մադրիդցիները իսպանացու համար 17,5 մլն ֆունտից (20 մլն եվրո) ավելի չեն վճարի։ Այս դարպասապահի համար «Չելսին» վճարել է 80 միլիոն եվրո հինգ տարի առաջ։
Նախկինում Կեպա Արիսաբալագան խոսել էր 2023/24 մրցաշրջանից հետո «Ռեալում» խաղալու իր ցանկության մասին։